Кога ќе помислите на традиционалниот карневал во Рио де Женеиро, прво што ви паѓа на памет се оскудн облечените танчерки кои зрачат со сексипил. Во таа слика тешко е да се вметне седумгодишно девојче, но сепак тоа се случи и предизвика силни реакции.

Највувањето на седумгодишната Жулија Лира како предводничка на групата танчерки кои играат самба во Рио, наиде на удар од критики, поради сексуалното искористување на девојчето.

Нејзиниот татко Марко е претседател на играчката група Вирадоуро и не се согласува со обвиненијата.


„Секој човек кој гледа седумгодишно девојче и чувствува сексуална возбуда, треба да отиде на доктор“, рече тој.

„Тоа што Жулија е најавена како кралица на таквиот програм, е чекор подалеку во третирање на деца како сексуален објект во бразилското општество“, вели Карлос Никодемос, директор на Советот за заштита на децата и адолесцентите.

Судијата во Рио моментно ја разгледува забраната за учество на деца во 80-минутната парада.