Необичното име е виновно за дипломатскиот скандал меѓу Пакистан и Саудиска Арабија. Пакистан, се обидел на местото амбасадор во Обединетите арапски емирати и Бахреин да го испрати Акбар Зеб.

Па што, сигурно ќе речете. Е, па проблемот е во тоа што во буквален превод Акбар Зеб на арапски значи Најголем пенис!

Акбар Зеб (на сликата), долгогодишниот амбасадор на Пакистан во повеќе земји, не ја доби акредитацијата од Саудиска Арабија да ја претставува својата држава во Ријад, а пречката не беше неговиот кредибилитет, туку - неговото име!

„Високиот функционер на пакистанската дипломатија не доби дозвола да биде амбасадор во Саудиска Арабија поради проблематичното име, кое на арапски има многу вулгарно значење“, се наведува во соопштението на арапската влада.

Според пишувањето на весникот “Араб Тајмс“, Пакистан повеќе пати се обидувал да го акредитира Зеб во Обединетите Арапски Емирати и во Бахреин, но барањата секој пат биле одбивани.

Сега се споменува дека Акбар Зеб веројатно ќе оди за амбасадор во некоја европска држава, бидејќи во арапскиот свет тој не е добредојден поради неговото име.