Уличниот перформер од Сиднеј, Чејн Халтгрен, го собори сопствениот рекорд и повторно влезе во Гинисовата книга на рекорди проголтувајќи дури 18 остри мечови долги 72см.

Триесет и едногодишниот Халтгрен почнал да ја вежба ова вештина на 16 години, усовршувајќи ја со различни методи, како што е растегнување на грлото со цевка за поливање.


„Ова е сигурно еден од моите најголеми успеси во животот“, вели Халгрен.



Голтачот на мечови познат по името Space Cowboy се колне дека неговиот последен подвиг не е опасен, но и дека неговиот доктор не му го препорачува тоа.

„Не ги голтав само туку-така 18 мечови. Мора многу да се вежба за да се дојде тоа ниво“, рече Халтгрен.


Чејн е единствениот човек на светот кој истовремено проголтал повеќе од 13 мечови.