Нашиот најдобар фудбалер му благодари на Интер на шансата што му ја укажа и е пресреќен што има ваков старт. Изгледа како повеќе сезони да е дел од Нероазурите, а не само еден месец.

Пандев денес беше најзаслужен за победата на Интер над Каљари. Гоче беше стрелец на еден гол и асистираше при третиот на Милито. Тоа беше 3 гол за него и 3 асистенција во 5 одиграни средби за Нероазурите.

„Одигравме добро, но јас секогаш посакувам повеќе. Задоволен сум од освоените 3 поени. Беше ова тежок натпревар за нас, но сепак ние покажавме кои сме и заслужено победивме.“

„Бев надвор од терените подолго време, но сето тоа е сега зад мене. Звучи чудно, но изгледа како да сум во Интер подолго време. Работам многу напорно и уживам во моите настапи. Му благодарам на Интер. Не можев да посакам нешто повеќе од ова“, заврши Пандев со изјавата даденa по натпреварот со Каљари.

Inter Milan 3 - 0 Cagliari

---

Извор: Sportski.mk