Во текот на месец јули ЛугоП во соработка со НВО „Скорпион“ од Прилеп организираше
редица настани кои го одбележаа целиот месец како месец на GNU/Linux. Младата и амбициозна група корисници на GNU/Linux оперативниот систем направи неколку активности со цел да се зголеми бројот на корисниците на слободен софтвер.

Нивната задача е да се овозможи пристап до слободниот софтвер и GNU/Linux на корисниците кои сакаат, а не можат да го најдат, а и да го спроведат GNU/Linux како наставна тема по предметот информатика во образовните процеси.


Низ повеќето настани беа поделени бесплатни цд-а со слободен софтвер, а тие завршија со презентација на слободниот софтвер на 23 јули во Прилеп, во која учествуваа повеќе невладини организации, ученици и студенти. Настанот беше поддржан од Фондацијата Метаморфозис, веб порталот Таратур и други НВО и правни субјекти.