Џо Рамон (1951-2001), вокалистот и текстописецот на Рамонс, ја преработи славната песна на Луис Армстронг, која беше издадена постхумно во 2002 година, во рамките на албумот Don't Worry About Me.

Rosetta Stone или Каменот од Розета е англиски бенд оформен во доцните 80-ти од минатиот век. Свират готик рок, под влијание воглавно на The Mission на кого му биле предгрупа на заедничките свирки низ англиските клубови.

Hurt e песна напишана од Трент Резнор, фронтменот од Nine Inch Nails во 1994 година за албумот The Downward Spiral. Во 2002, легендарниот Џони Кеш ја преработи како негов последен сингл пред смртта.

"I'm Deranged" е песна напишана од Дејвид Боуви и Брајан Ино во 1995 за албумот Outside. Две различни верзии се појавија и во култниот филм од Дејвид Линч Lost Highway во 1996 година. Песната одеше за време на интрото и на крајот на филмот.

Ова авангардно катче на кое музичките сладокусци ќе можат да слушнат, ем да видат по некоја интересна работа од култните и помалку култните бендови во историјата на рокенролот и сите правци што следуваат, ќе го сефтосаме со пионерите на дарк рок музиката Систерс оф мерси и на многумина омилената Мериен.