Утврдено е дека кон месечарење најмногу се склони лицата кои имаат прекини на дишењето во сонот, оние кои страдаат од несоница, алкохоличарите и оние кои земаат средства за спиење. Речиси секој трет жител на САД некогаш во животот имал проблем со сомнабулизмот (месечарењето), а зголемен ризик од овој феномен се регистрира кај оние кои имаат проблеми со сонот или кај тешко депресивните луѓе, констатираат експертите од Истражувачкиот центар за епидемиологија при Универзитетот Стенфорд. Во анкетата направена на 16.000 возрасни Американци од 15 сојузни држави, околу 29% од испитаниците изјавија дека месечареле барем еднаш во животот, блиску 3% тоа го прават еднаш месечно до еднаш годишно, а 1% месечарат најмалку два пати месечно. Учесниците во анкетата беа испитувани за нивниот начин на живеење и навиките во спиењето, како и за тоа дали страдаат од било какви пореметувања на сонот, ментални или други проблеми, вклучително и сомнабулизам. Со истражувањето беше утрврдено дека од кон месечарење најмногу се склони оние лица кои страдаат од феноменот прекинато дишење во сонот, луѓето кои имаат несоница, алкохоличарите и оние кои консумираат средства за спиење. И оние кои страдаат од депресија се под зголемен ризик од месечарење, со тоа што не е јасно дали е тоа така поради користењето на лековите, како што се селективните инхибитори на серотонин, или поради самото заболување. Инаку, речиси третина од ’месечарите’ изјави дека во нивните семејства има и други такви случаи. Порано беше вржано мислењето дека месечарењето е вообичаено кај децата, а дека истото подоцна се повлекува. Меѓутоа, и кај децата сомнабулизмот е застапен во 30% од случаите. Месечарењето може различно да се манифестира – од зборување во сон, до станување од креветот. Проблем настанува кога месечарот ќе тргне по скали или ќе излезе од куќата.

Многу жени имаат прилично јасна слика за својот идеален маж, а некои од нив со еден таков и завршуваат во брак. Но, нивното поимање на совршениот сопруг и татко на нивните деца е многу пофлексибилен отколку што повеќето од нив мислат. Токму таа флексибилност зависи од нивниот месечен циклус. Во деновите кога жената е физички најподготвена да зачне и потенцијалните партнери и се чинат попривлечни. Таквите кандидати, во други денови веројатно би биле отфрлени како неприфатливи за семеен живот. Со други зборови, господинот ’погрешен’ станува господин ’вистински’. „Хормоните поврзани со плодноста се главни виновници за сè, затоа често се согласуваме на секс и љубов со погрешни личности. Наместо да ги посматраме како недоверливи, какви што и се, нам одеднаш ни се чини дека токму тие се нашиот вистински избор, дека токму таков бараме и дека токму тој ќе се претвори во совршен партнер, семеен човек и татко“, вели Кристина Дуранте, една од истражувачките. Дуранте направи фиктивен онлајн профил за средби на парови, односно профил на згоден и харизматичен скијач и маж со просечен изглед, но успешен сметководител. Потоа ги прашуваше младите жени за кој од нив двајцата сметаат дека е вистинскиот маж. Жените тестот го правеа два пати, еднаш за време на плодните денови и еднаш за време надвор од плодниот период. Резултатите од овој експеримент беа такви што мислењето на жените за сметководителот не се менуваше, но во плодните денови згодниот скијач добиваше поголеми шанси. Дуранте, инаку истражувачка од Универзитетот во Тексас, вели дека одеднаш господин ’погрешен’ се претвораше во оној вистинскиот.

Независно дали сме свесни за тоа или не, сите имаме одредени оечкувања кога станува збор за љубовните врски и односот со партнерот, и природно е да сакаме нешто од луѓето со кои го делиме животот. Исто така, нормално е врската помеѓу двајца луѓе да биде однос на взаемно давање и примање. Но, нашите очекувања често можат да отидат многу подалеку од дозволеното и да ги надминат можностите кои партнерот реално може и треба да ги пружи. Да речеме, често се случува да претпоставиме дека личноста со која сме во врска секогаш ќе биде романтично расположена, подразбираме дека нема право на лош ден, и дека секогаш ќе и бидеме на прво место. Иако тоа реално не е секогаш возможно, се слчува, кога ќе изостане реакцијата која сме ја очекувале, веднаш да почнеме да се сомневаме во во чувствата на личноста со која сме во врска, па дури и да почнеме да го преиспитуваме целиот однос врз основа на еден поединечен случај, реакција и слично. Ако сопствените очекувања ги доживувате како ’правилник’ кој вашиот партнер мора да го почитува во секој момент, лесно може да се случи набрзо да се разочарате, да бидете лути и повредени, иако за тоа веројатно нема реална причина, ниту пак имате право на толкава радикалност во односот. Во зрел однос мора да постои рамнотежа помеѓу она што го сакате и очекувате и она што партнерот реално може да ви го понуди и пружи. Критична точка во вашиот однос ќе биде онаа во која ќе дојдете до спознание дали вашите очекувања се реални или не. Размислете дали сакате вашата партнерка да одвои половина час за вас токму кога е во најголема зафатеност само за да поминете квалитетно време заедно, или за да ја смирите сопствената несигурност. Истото важи и за девојките, дали навистина мислите дека тоа што вашиот партнер еднаш дневно ќе ви каже дека ве сака ја одржува вистинската енергија на неговите емоции кон вас? Колку повеќе фантазирате за тоа како другите ’треба’ да се однесуваат за да се ослободите од сопствената несигурност, разочарувањето поради изневерените очекувања ќе биде поголемо. Како отприлика изгледа листата на нереални очекувања? Нешто сличо на ова: Ако навистина ме сака, ќе водиме љубов секоја вечер; Ако навистина ме сака, ќе знае што сакам дури и пред самата јас да станам свесна за тоа; Секогаш ќе знае да ме направи среќен/среќна; и слично. Но, реалноста е малку поинаква. Ако се сакате, вие и вашиот партнер ќе имате здрав однос од кој како последица ќе имате и здрав сексуален живот кој и двајцата ќе ве направи задоволни.. Никој не може да ги чита мислите на другата личност, без оглед на тоа колку ја сака, наместо тоа, некој кој се грижи за вас и ве сака, внимателно ќе слуша кога сами ќе кажете што сакате. Вашиот партнер, без облед на бескрајната љубов која ја чувствувате, не треба да биде единственото нешто што ве прави среќни во животот. Очекувањата би требало да ги замените со животни вредности кои ќе ги делите двајцата. Со таков став, и љубов, секако, ќе бидете многу посреќни и поопуштени во вашата врска.

За оние на кои им здосадија крос-тренажерите, лентите за трчање и останатите справи од фитнес салите, стигнува нова машина – собна даска за сурфање. Даската за сурфање на суво, RipSurfer X, е реализација на Мајк Хартвик, менаџер на еден фитнес клуб во Њујорк, како начин да ја одржи формата откако професионално престана да се занимава со хокеј. Станува збор за даска за сурфање поставена на воздушни перничиња. „Чувството е исто како да сурфате на вода“, објаснува инструкторката по фитнес Сара Пон, додавајќи дека на овој начин можат да се потрошат и до 1.000 калории за 45 минути колку што трае еден фитнес час. Сурфањето на суво ја подобрува рамнотежата, координацијата и ги засилува сите мускули, а ја има и таа предност што не постои опасност од напад на ајкули. Како што пренесува АР, на пазарот наскоро би требало да се појави и домашна верзија на оваа справа за вежбање.